Guru နှင့် အခြားသော 'ဆရာ' ဝေါဟာရများ

 
လာရောက်လေ့လာရင်းအကြံပေးဆွေးနွေးရေးသားနိုင်ပါတယ်။
အင်္ဂလိပ်ဘာသာမှာ 'ဆရာ' ဆိုတဲ့ ဝေါ်ဟာရ အမျိုးမျိုးရှိပါတယ်။ ဆင်တူတယ်လို့ ထင်ရပေမယ့် သူ့နေရာနဲ့ သူသုံးရတာပါ။ တွေ့ဖူးတဲ့ ဝေါဟာရတွေရှိသလို မတွေ့ဖူးတာတွေလဲရှိမှာပါ။ 'ဆရာ' လို့ဆိုလိုလာရင် 'teacher' ဆိုတာကိုတော့ သိကြမှာပါ။ ဒါပေမဲ့ 'sage'၊ 'pundit'၊ 'mastero' အစရှိတဲ့ ဝေါဟာရတွေကိုရော သိကြပါလား။ အားလုံး ဗဟုသုတရပြီး မှန်မှန်ကန်ကန် သုံးနိုင်အောင် ဒီနေ့ 'ဆရာ' နှင့်ဆိုင်သော ဝေါဟာရများအကြောင်း တင်ဆက်လိုက်ပါတယ်။
၁။ teacher
ဆရာ ဆိုတဲ့ တိုက်ရိုက်အဓိပ္ပါယ်ထွက်တဲ့ teacher နဲ့ စလိုက်ရအောင်။ Teacher ဆိုတာ တိုကင် (token) နဲ့ အဓိပ္ပါယ်ဆင်တဲ့ ရှေးဟောင်း အင်္ဂလိပ်စကားလုံးတစ်လုံးပါ။ token ဆိုတာက အဖြစ်မှန်ကို ညွှန်ပြတယ်လို့ အဓိပ္ပါယ်ဆောင်ပါတယ်။ အဲဒီတော့ teach ဆိုတာဟာလည်း "လမ်းညွှန်သည်၊ လမ်းပြသည် စသည့် အဓိပ္ပါယ်ဆောင်ပါတယ်။ To teach ဆိုသည်မှာ "ပညာကို လက်ဆင့်ကမ်းခြင်း သို့မဟုတ် ညွှန်ကြားသင်ပြခြင်း" လို့ဆိုပါတယ်။
၂။ tutor
Latin က ဆင်းသက်လာတဲ့ tutor (နာမ်) ကတော့ "စောင့်ရှောက်သည် သို့မဟုတ် ကာကွယ်သည်" လို့ အဓိပ္ပါယ်ရတဲ့ Latin စကားလုံး tutor (ကြိယာ) ကနေ လာတာပါ။ Tutor ဆိုတာ ကာကွယ်စောင့်ရှောက်သူပေါ့။ ရောမ ဥပဒေမှာ tutor ဆိုတာ မသန်စွမ်းသူ တစ်ဦးရဲ့ အုပ်ထိမ်းသူလို့ ဆိုပါတယ်။ အင်္ဂလိပ်စာလုံး အဖြစ်နဲ့က "ဥစ္စာပစ္စည်းစောင့်ရှောက်သူ၊ ဘဏ္ဍာထိန်း" စသည့် အဓိပ္ပါယ်နှင့် သုံးပါတယ်။ ဒါပေမဲ့ tutor ကို အသုံးအများဆုံးကတော့ "ကလေး၊ လူငယ်တစ်ဦးကို အုပ်ထိန်းသောသူ သို့မဟုတ် သင်ကြားပြသသူ" လို့ အဓိပ္ပါယ်ဆောင်တဲ့ အသုံးဖြစ်ပါတယ်။ ခေတ်ပေါ် အမေရိကန် အင်္ဂလိပ်မှာတော့ tutor ဆိုတာ တစ်ဦးချင်း သင်ကြားပေးသော အပျော်တမ်း သို့မဟုတ် အခစားဆရာကို ဆိုပါတယ်။ tutor ကို ကြိယာအနေနဲ့လည်း သုံးပါတယ်။
၃။ mentor
Mentor ဆိုတဲ့ စကားလုံးဟာ တစ်စုံတစ်ဦးရဲ့ နာမည်က ဆင်းသက်လာတယ်လို့ ဆိုပါတယ်။ ဂရိသူရဲကောင်း Odysseus က Trojan စစ်ပွဲမှာ ရှေ့တန်းထွက်တော့ သူ့သားလေး Telemachus ကို သူ့ပညာရှိ မိတ်ဆွေကြီး Mentor ဆီမှာ အပ်ခဲ့တယ်။ တကယ်တော့ Athena နတ်ဘုရားက ပညာရှိမိတ်ဆွေကြီး Mentor အသွင်ဆောင်ကာ Telemachus ကို သွန်သင်ကာ စောင့်ရှောက်ခဲ့၏။ ဒါကြောင့် Mentor ဆိုတာ တစ်စုံတစ်ယောက် (အထူးသဖြင့် ငယ်ရွယ်သူတစ်ဦး) ကို လမ်းညွှန်အကြံပေးသူလို့ ခေါ်ပါတယ်။ အမေရိကန် အင်္ဂလိပ် အသုံးအနှုန်းမှာတော့ mentor ဆိုတာ ကုမ္ပဏီတစ်ခုမှာ ဝန်ထမ်းသစ်တွေကို လေ့ကျင့်ပေးခြင်း၊ အကြံဥာဏ်ပေးခြင်းတို့ကို လုပ်ရတဲ့ အတွေ့အကြုံရင့်ပုဂ္ဂိုလ်ကို ပြောတာပါ။ ကောလိပ်ကျောင်းသားတွေကိုလည်း ကျောင်းသားဘဝနေသားကျသွားအောင် mentor တွေနဲ့ တွဲဖက်ကာ စာသင်နေထိုင်စေတာလည်း ကြားဖူးကြပါလိမ့်မည်။ Mentor ကို ကြိယာအနေနဲ့လည်း သုံးနိုင်ပါတယ်။
၎။ sage
Sage ဆိုတာက အလွန်တရာ ပညာရှိသော ပုဂ္ဂိုလ်ကို ခေါ်တယ်။ ဒီစကားလုံးကို "ပညာရှိ" လို့ အဓိပ္ပါယ်ရတဲ့ Latin စကားလုံးက ရတာပါ။ Sage ရဲ့ ကြိယာစကားလုံးဖြစ်တဲ့ 'sapiens' ဆိုတာလည်း ပညာရှိ လို့ဆိုလိုတာပါဘဲ။ ဒါပေမဲ့ Sage (နာမ်) ဆိုတဲ့ စာလုံးကို နေ့စဉ်သုံး အင်္ဂလိပ်စာမှာ သိပ်ပြီး သုံးလေ့သုံးထမရှိပါဘူး။ ဒါပေမဲ့ sage (နာမဝိသေသန) ကိုတော့ မကြာခဏသုံးတာ တွေ့ရပါတယ်။ ဥပမာ - "to offer sage advice" လိုပေါ့။
၅။ mastero
အင်္ဂလိပ်စာမှာ ဒီစာလုံးနဲ့ တိုက်ရိုက်ပတ်သက်တဲ့ 'master' ဆိုတဲ့ စကားလုံးရှိတယ်။ 'master' ရော 'mastero' ဆိုတာ အလုပ်တစ်ခုခုကို သို့မဟုတ် အတတ်ပညာ တစ်ခုခုကို တစ်ဖက်ကမ်းခတ် ကျွမ်းကျင်သူကို ခေါ်ပါတယ်။ ဒီစာလုံးကို အီတာလျံ စကားလုံးက ရယူထားတာဖြစ်ပြီး mastero (MY-stro လို့ အသံထွက်) ဆိုတာ အထူးကျွမ်းကျင်သော ဂီတပညာရှင်ကို ခေါ်ပါတယ်။
မှတ်ချက်။ အင်္ဂလိပ်စာမှာ ပညာရှိလို့ အဓိပ္ပါယ်ရတဲ့ မွေးစားစကားလုံးတော်တော်များများဟာ (guru အပါအဝင်) Sanskrit ဘာသာမှ လာတာဖြစ်ပါတယ်။ အဲဒီ စကားလုံးများကို ဟန္ဒီဘာသာနဲ့ ပါဠိ တို့မှာလည်း တွေ့ရပါတယ်။
၆။ pundit (ပန်ဒစ်)
ဩဇာနှင့် ပြည့်စုံသော မှတ်ချက်၊ ဆုံးဖြတ်ချက်များ ချမှတ်နိုင်စွမ်းရှိသူလို့ အဓိပ္ပါယ်ရတဲ့ ဒီစကားလုံးဟာ 'ပညာရှင်၊ ကျွမ်းကျင်သူ' လို့ အဓိပ္ပါယ်ရတဲ့ Sanskrit ဘာသာမှ လာပါတယ်။ အန္ဒိယမှာ pundit ဆိုတာ "ပညာရှင် ဟန္ဒူဘုန်းကြီး သို့မဟုတ် ဆရာသမား" ဟူ၍ ခေါ်ပါတယ်။ ခေတ်ပေါ် အမေရိကန် အင်္ဂလိပ်မှာတော့ မျက်မှောက်ရေးရာ (နိုင်ငံရေး၊ လူမှုရေး၊ စီးပွါးရေး) ကျွမ်းကျင်သူများကို pundit လို့ ခိုင်းနှိုင်းခေါ်ဆိုပါတယ်။
၇။ guru (ဂုရု)|
မူလ အဓိပ္ပါယ်ဖြစ်တဲ့ "မြင့်မြတ်ခြင်း၊ တင့်တယ်ခြင်း၊ ဂုဏ်သရေရှိခြင်း" စသည်ဖြင့် ရှိတဲ့ guru ကို အိန္ဒိယ ဟိန္ဒူ ဘာသာရေးဆရာ၊ ဘာသာရေးခေါင်းဆောင်ကို ခေါ်ပါတယ်။ ခေတ်ပေါ် အမေရိကန် အင်္ဂလိပ်အသုံးမှာတော့ guru ဆိုတာ တစ်စုံတစ်ရာ သို့မဟုတ် ပညာရပ်တစ်ခုကို နှံ့နှံ့စပ်စပ်သိသူများကို ရည်ညွှန်းခေါ်ဆိုပါတယ်။
၈။ swami (ဆွာမိ)
'အရှင်သခင်၊ မင်းသား၊ ဆရာ' လို့ အဓိပ္ပါယ်ရတဲ့ ဒီဟိန္ဒီစကားလုံးကို နာမည်ရှေ့မှာ ဂုဏ်ပေးပြီး ကင်ပွန်းတပ်ခေါ်ဆိုရာမှာ သုံးပါတယ်။ Swami ကို ဟိန္ဒူဘုရားကျောင်း၊ ဆင်းတုတော် သို့မဟုတ် ဘာသာရေးဆရာလို့လည်း သုံးနှုန်းကြပါတယ်။
၉။ sadhu (ဆာဒူး)
Rudyard Kipling ရေးတဲ့ Kim ဝတ္ထုကို ဖတ်ဖူးမယ်ဆိုရင် အဲဒီထဲမှာ "saddhu" လို့ စာလုံးပေါင်းထားတဲ့ sadhu စကားလုံးတွေ တွေ့ရမှာပါ။ Sadhu ဆိုတာ အန္ဒိယ သူတော်စင်ကို ခေါ်ပါတယ်။ ဒီစကားလုံးကလည်း 'ထက်မြတ်ခြင်း၊ မှန်ကန်ခြင်း၊ ကောင်းမွန်ခြင်း' စတဲ့ အဓိပ္ပါယ်တွေရှိပြီး Sanskrit ဘာသာ ကနေမွေးစားထားပါတယ်။
၁၀။ rishi (ရီရှီ)
ပညာရှိသူတော်စင် အထူးသဖြင့် ဘာသာရေး အဆုံးအမသွန်သင်မှု ကဗျာစာပေရေးဖွဲ့သူ သို့မဟုတ် ဝေဒ ကျမ်းဂန်များပြုစုသူ ပညာရှိကို ဆိုလိုတာပါ။
၁၁။ maharishi (မဟာရီရှီ)
Maharishi ဆိုတာ မဟာပညာရှိကြီး ဟိန္ဒူသူတော်စင်ကြီးပေါ့။ ၁၉၆၀ နှင့် ၁၉၇၀ ပတ်ဝန်းကျင်တုန်းက အဲဒီခေတ်ရဲ့ ဂီတဘုရင် Beatles အဖွဲ့ရဲ့ အကိုးကွယ်ခံအဖြစ် Mahesh Yogi ဆိုတဲ့ maharishi တစ်ပါးဟာ ကမ္ဘာကျော်ဖြစ်ခဲ့သေးတယ်လေ။
Credit-
http://sayaraungnaingsoe.blogspot.com