အေးသောရာသီဥတုတွင် ကွန်ကရိသွန်းလောင်းခြင်း-အပိုင်း ၁ (Cold Weather Concreting - Part 1)

=======================================================
1)  နိဒါန်း (Introduction)
2) Cold Weather Concreting ကို ဘယ်ရာသီဥတုမှာ စဉ်းစားရမလဲ

3)  ကွန်ကရိအေးခဲသွားလျှင် ဘာဖြစ်မလဲ (What Happens When Concrete Freezes?)
4)  Cold Weather Concreting ၏ရည်ရွယ်ချက် (Objectives of Cold Weather Concreting)
5)  အခြေခံလုပ်ထုံးလုပ်နည်းများနှင့် အကြံပြုချက်များ (Recommended Practices & Basic Principles)
6)  ဓါတ်ပြု မှုမြန်ဆန်စေရန်ပြုလုပ်ခြင်း (Acceleration of Concrete Hydration)
======================================================

၁-နိဒါန်း

ရာသီဥတုအလွန်အေးသောအချိန်တွင် ကွန်ကရိသွန်းလောင်းပါက ကွန်ကရိဖျော်စပ်ခြင်း (production)၊ သယ်ယူခြင်း (transportation)၊ သွန်းလောင်းခြင်း (placing)၊ အသားသေအောင်ပြုလုပ်ခြင်း (curing) တို့ ကို မှန်ကန်သော နည်းစံနစ်များအတိုင်းလိုက်နာလုပ်ဆောင်မှသာလျှင် လိုအပ်သည့် ကောင်းမွန်ခိုင်ခန့်သော (strength & durability) ကွန်ကရိကိုရနိုင်ပါမည်။

၂-Cold Weather Concreting ကို ဘယ်ရာသီဥတုမှာ စဉ်းစားရမလဲ


၂-၁   Japan Society of Civil Engineers (JSCE) က1986 မှာထုတ်ဝေတဲ့ Standard Specification for Design and Concrete Structures မှာ Cold weather concreting ကို အောက်ပါအတိုင်း အဓိပ္ပါယ်ဖွင့်ဆိုထားပါတယ်။

• “နေ့စဉ်ပျမ်းမျှအပုချိန်သည် 4°C အောက်သို့ ရောက်မည်ဟုခန့် မှန်းလျှင် Cold Weather Concreting နည်းစံနစ်များကို လိုက်နာကျင့်သုံးရမည်“ လို့ သတ်မှတ်ထားပါတယ်။

၂-၂   National Ready Mixed Concrete Association (NRMCA) က1998 မှာထုတ်ဝေတဲ့ CIP 27- Cold Weather Concreting မှာ အောက်ပါအတိုင်း အဓိပ္ပါယ်ဖွင့်ဆိုထားပါတယ်။

• “နေ့စဉ်ပျမ်းမျှအပုချိန်သည် 4°C အောက်သို့  (၃ရက်ထက်ပို၍ဆက်တိုက် ) ရောက်မည်ဟုခန့် မှန်းလျှင် Cold Weather Concreting နည်းစံနစ်များကို လိုက်နာကျင့်သုံးရမည်“ လို့ သတ်မှတ်ထားပါတယ်။

၂-၃    ယခုနောက်ဆုံး October 2010 ထုတ် ACI 306-10 က Cold Weather Concreting ကို အောက်ပါအတိုင်း အဓိပ္ပါယ်သတ်မှတ်ထားပါတယ်။

• “လေထုအပူချိန်ဟာ ကွန်ကရိကိုအကာအကွယ်ပေးရမဲ့ကာလ (Protection Period) အတွင်း 40°F (4°C) အောက်ရောက်တဲ့အခါ (သို့) ရောက်နိုင်ခြေရှိတဲ့အခါ ကိုဆိုလိုပါတယ်”

• Protection Period ဆိုတာက ကွန်ကရိကို အေးတဲ့ရာသီဥတုနဲ့ထိတွေ့ မှုကြောင့် အကျိုးသက်ရောက်မှုမှ ကာကွယ်ပေးရန်လိုအပ်တဲ့အချိန်ကာလလို့  ဖွင့်ဆိုထားပါတယ်။

ACI ရဲ့ နောက်ဆုံးထုတ် အဓိပ္ပါယ်သတ်မှတ်ချက်မှာ Protection Period ဆိုတာကိုသတိထားမိလိမ့်မယ်လို့ ထင်ပါတယ်။ ဒီ Protection Period ဆိုတဲ့အခေါ်အဝေါ်ကို ဒီခေါင်းစဉ်အောက်မှာ အဓိကဆက်လက် သုံးစွဲသွားမှာမို့  သေချာမှတ်သားထားစေလိုပါတယ်။

၃-ကွန်ကရိအေးခဲသွားလျှင် ဘာဖြစ်မလဲ
ချွေးပေါက်(pore) အတွင်းရှိရေများ -1°C (30°F) မှစ၍အေးခဲလာမည်၊ ရေများစ၍အေးခဲလာသဖြင့် ကျန်သည့်မခဲသေးသောရေများအတွင်း အိုင်းယွန်းစုစည်းမှု (ion concentration) မြင့်တက်လာမည်၊ ထို့ ကြောင့် ရေခဲမှတ်ပို၍နိမ့်ကျလာမည်၊ (ရေခဲ၏ ထုထည်မှာ ရေထက် ၉% ခန့်  ပိုများပါသည်။)
-3°C to -4°C (25 to 27°F) ပါတ်ဝန်းကျင်ရောက်သောအခါ ချွေးပေါက်အတွင်းရှိရေများ(pore water) များအေးခဲလာသည့်ပမာနမှာ ဓါတ်ပြုမှု (hydration) အားလုံးရပ်ဆိုင်းစေရန်အတွက် လုံလောက်သည့် အတိုင်းအတာထိရှိလာမည်။ ထိုအခါ ကွန်ကရိခံနိုင်အား (strength) မြင့်တက်မှု ရပ်ဆိုင်း (သို့) နှေးကွေးလာသည့်အပြင် ချွေးပေါက်အတွင်းရှိရေခဲများ ကျယ်ပြန့်လာခြင်းက ကွန်ကရိ၏ ကျစ်လစ်သိပ်သည်းမှု (integrity) ကိုထိခိုက်လာမည်။

ထို့ကြောင့် JSCE ထုတ်စာအုပ်မှာ

၁) ရာသီဥတု (4°C) အထက်ကျော်လျှင် သမရိုးကျ ကွန်ကရိလောင်းနည်းကို သုံးပါ၊

၂) ရာသီဥတု (4°C မှ 0°C) ရောက်လျှင် ကွန်ကရိလောင်းနည်းကို အနည်းငယ်ဂရုပြု၍ အပူထိန်းပစ္စည်း(Insulation)သုံးပါ။

၃) ရာသီဥတု (0°C မှ -3°C) ရောက်လျှင် ရေ (သို့ ) ရေ နှင့် ကျောက်၊ သဲ တို့ ကိုအပူပေးပါ၊ တစ်ချိန်တည်းတွင်  ပိုမိုကောင်းမွန်သောအပူထိန်းပစ္စည်း(Insulation)စံနစ်သုံးပါ။

၎) ရာသီဥတု ( -3°C) အောက်ရောက်လျှင် Severe Cold Weather Concreting (SCWC) ကိုသုံးပါလို့ ဆိုထားပါတယ်။
SCWC ဆိုရာမှာ ရေ၊ ကျောက် နှင့် သဲ တို့ ကိုအပူပေးခြင်းအပြင် လောင်းပြီးသား ကွန်ကရိကို လုံလောက်သော အပူချိန်မှာဆက်ထိန်းထားနိုင်ရန် အပူကာပစ္စည်းသုံးခြင်း၊ အပူပေးခြင်း စသည်တို့ လုပ်ဆောင်ရမည်လို့ ဆိုထားပါတယ်။

အဲဒီတော့ ရာသီဥတု (4°C) အထက်ကျော်တဲ့ ဒေသတွေမှာ ကွန်ကရိလုပ်ငန်းလုပ်ကိုင်နေသူတွေ အနေနဲ့  Cold Weather ကြောင့် ဖြစ်ပေါ်နိုင်တဲ့ မလိုလားအပ်တဲ့  အကျိုးသက်ရောက်မှုတွေကို ပူပန်နေစရာမလိုဘဲ ပုံမှန်အတိုင်း စိတ်ချလက်ချ ဆက်လုပ်နိုင်ပါတယ်လို့  သတင်းကောင်းပါးရင်း အပိုင်း(၁) ကို ခေတ္တနားခွင့်ပြုပါ။

ရာသီဥတု (4°C) အောက်ရောက်နိုင်တဲ့ ဒေသမှာ ကွန်ကရိလုပ်ငန်း လုပ်ကိုင်နေသူတွေ နဲ့  အခြားစိတ်ဝင်စားသူတွေအတွက်တော့ အပိုင်း (၂) မှာ အောက်ပါအချက်အလက်တွေကို ဆက်လက်ဆွေးနွေးပေးပါမယ်။

4) Cold Weather Concreting ၏ရည်ရွယ်ချက် (Objectives of Cold Weather Concreting)
5) အခြေခံလုပ်ထုံးလုပ်နည်းများနှင့် အကြံပြုချက်များ (Recommended Practices & Basic Principles)
6) ဓါတ်ပြု မှုမြန်ဆန်စေရန်ပြုလုပ်ခြင်း (Acceleration of Concrete Hydration)

                                                                                                                  (ဆက်ရန်)


Hot Weather Concreting အကြောင်းကို ဖတ်ရန် https://www.facebook.com/groups/ConcreteKnowledgeSharing/permalink/346326068910752
-----------------------------------------------------------------------------------------
Refrences;
1) T E C H N I C A L B U L L E T I N T B - 0 1 0 6, Cold Weather Concrete, Grace Construction Products
2) CIP 27- Cold Weather Concreting, National Ready Mixed Concrete Association (NRMCA), USA
3) Standard Specification for Design and Construction of Concrete Structures-1986, Part 2, Japan Society of Civil Engineers (JSCE)
4) Cold Weather Concreting 101 by William D. Palmer Jr., and Steve Morrical


*********************************
* San Nwe, 11-Aug-2015 *
*********************************