Post-Tensioning နည်းစနစ်အကြောင်းသိကောင်းစရာ (၂)

၃။ အသုံးချခြင်းနှင့် အကျိုးကျေးဇူးများ
PT ကို ဆောက်လုပ်ရေးလောကမှာ တံတား၊ အဆောက်အဦး၊ ဥမင်လှိုဏ်တွေ၊ အထပ်မြင့် ကားပါတွေ စသဖြင့် နယ်ပယ်စုံ သုံးကြပါတယ်။

အဆောက်အဦးပိုင်းမှာဆိုရင် PT ကို သုံးရင် ခန်းဖွင့် အကျယ်ကြီး၊ အရှည်ကြီးလုပ်လို့ရတယ်၊ နောက်ပြီး ကြမ်းခင်း slab အထူကိုလည်း သာမန်ထက် ပိုပါးနိုင်တယ်၊ beam အရေအတွက်တွေ လျှော့ချနိုင်တယ်၊ beam ဆိုဒ်တွေ လျှော့ချနိုင်တယ် စတဲ့ အကျိုးကျေးဇူးတွေ ရှိပါတယ်။ ကြမ်းခင်း slab အထူ ပါးတော့၊ beam အရေအတွက်တွေ၊ ဆိုဒ်တွေ နည်းတော့ သာမန်ထက်စာရင် ကွန်ကရစ်သုံးရတာ ပိုနည်းသွားပါတယ်။ PT ကို သုံးပြီး flat slab ဒီဇိုင်းလည်း လုပ်လို့ရတော့ slab တွေမှာ beam လုံးဝ မပါတော့ပါဘူး၊ ဒီလို beam မပါတော့ဘူးဆိုတော့ အဆောက်အဦးရဲ့ floor to floor height လည်း ပိုများများ၊ ပိုမြင့်မြင့် ရပါတယ်။ နောက်ပြီး သုံးရတဲ့ rebar ဟာလည်း သာမန်ထက်စာရင် အဆပေါင်းများစွာ နည်းသွားပါတယ်။ အထပ်အရေအတွက်ချင်းတူရင် PT သုံးထားတဲ့ အဆောက်အဦးတစ်ခုဟာ သာမန်အဆောက်အဦးထက်စာရင် weight က သိသိသာသာ နည်းပါတယ်။ ဒီတော့ အဆောက်အဦးတစ်ခုလုံးရဲ့ load လည်း နည်းသွားပြီး foundation နဲ့ footing ဒီဇိုင်းလုပ်တဲ့နေရာမှာ load တွေ လျော့သွားစေပါတယ်။ foundation load လျှော့ချနိုင်ခြင်းက seismic area တွေမှာ အဓိက အားသာချက်တစ်ခု ဖြစ်စေပါတယ်။ တည်ဆောက်တဲ့ ကြာချိန်လည်း သာမန်ထက် ပိုမြန်ပါတယ်။
Bearing capacity နည်းတဲ့ expensive clay တွေ soil တွေ နေရာတွေမှာဆိုရင် PT slab-on-ground တွေနဲ့ mat foundation တွေကို အသုံးပြုခြင်းဟာ အက်ကြောင်းထခြင်း (cracking) နဲ့ အမျိုးမျိုးသော နိမ့်ကျခြင်း (differential settlement) စတဲ့ ပြဿနာတွေကို လျော့နည်းစေပါတယ်။
တံတားတည်ဆောက်ရေးတွေမှာဆိုရင်လည်း သာမန်အားဖြင့် တည်ဆောက်ဖို့ခက်တဲ့ အကွေ့အကောက်တွေ၊ အနိမ့်အမြင့်တွေပါလာတဲ့အခါ PT နည်းကို သုံးကြပါတယ်။ ဒါ့အပြင် တံတားတွေမှာ PT နည်းနဲ့ အလွန့်အလွန်ရှည်လားတဲ့ span တွေကိုတောင် ယာယီအောက်ခံဒေါက်တိုင် (temporary intermediate supports) တွေ မလိုဘဲနဲ့ တည်ဆောက်လို့ ရနိုင်ပါတယ်။ ဒီအချက်ကလည်း တံတားတည်ဆောက်ရေး လုပ်ငန်းခွင်ကြောင့် ရေလမ်းကြောင်းသွားလာမှုတွေ၊ ယာဉ်ကြော ပိတ်ဆို့မှုတွေ စတဲ့ ပတ်ဝန်းကျင်ကို အခက်အခဲဖြစ်စေမှုတွေကို လျော့ကျစေတဲ့ အဓိက အားသာချက်တစ်ခု ဖြစ်ပါတယ်။
အခြားနိုင်ငံတွေမှာ PT ကို ဆောက်လုပ်ရေး နယ်ပယ်စုံအသုံးချ၊ အသုံးများနေပေမယ့် မြန်မာနိုင်ငံ အနေနဲ့တော့ နည်းပါးသေးတယ် ပြောလို့ရပါတယ်။ PT ကိုအရင်ကဆို တံတားတည်ဆောက်ရေးတွေ လောက်သာ အသုံးပြုခဲ့ပါတယ်။ အခုတော့ မြန်မာနိုင်ငံမှာလည်း အဆောက်အဦးတချို့ကို PT သုံးပြီး တည်ဆောက်လာကြပါပြီ။ တံတားပိုင်းမှာ မသိရပေမယ့် အဆောက်အဦးပိုင်းမှာ အများစုကတော့ ထိုင်းနိုင်ငံက အင်ဂျင်နီယာတွေကြီးကြပ်ပြီး တာဝန်ယူ တည်ဆောက်ကြတာပါ။
PT မှာ အဓိကအားဖြင့် PT ဆွဲပြီးရင် grouting ပြန်ထိုးတဲ့ Bonded နည်းနဲ့ Unbonded နည်းဆိုပြီး နှစ်မျိုးရှိပါတယ်။
Unbonded နည်းမှာတော့ PT ကြိုးတွေဟာ အစွန်းသတ်တွေကလွဲရင် ကွန်ကရစ်နဲ့ အမှန်တကယ် bonded ဖြစ်မသွားပါဘူး။ အသုံးအများဆုံး unbonded ပုံစံတွေကတော့ PT ကြိုးတွေကို တစ်ချောင်းချင်းစီထည့်တဲ့ ပုံစံ - monostrand (single strand) တွေပဲ ဖြစ်ပြီး အဆောက်အဦး၊ အထပ်မြင့်ကားပါကင်တွေနဲ့ slab-on-ground စတာတွေရဲ့ ကြမ်းခင်းတွေနဲ့ beam တွေမှာ သုံးကြပါတယ်။ PT ကြိုး monostrand tendon တစ်ချောင်းမှာ ကြိုးငယ် (၇) ချောင်းနဲ့ လွန်းကျစ်ထားပြီးတော့ သံချောင်းမတက်နိုင်အောင် coating လုပ်ထားပါတယ်။ အဲ့ဒီအပေါ်ကနေမှ အကာအကွယ်အနေနဲ့ plastic sheathing လုပ်ထားပါတယ်။ အဲ့ဒီ plastic sheathing ကြောင့်လည်း ကွန်ကရစ်နဲ့ အမှန်တကယ် bonding မဖြစ်သွားတာပါ။ PT ကြိုးရဲ့ ထိပ်စွန်း (anchorage) မှာတော့ သံထည်နဲ့လုပ်ထားတဲ့ PT ခေါင်း အိမ်လေး ရှိပါတယ်။ PT တစ်ကြိုးကို တစ်ခုပါ။ အဲ့ဒီအထဲမှာ PT ကြိုးတွေဆွဲတဲ့အခါ နောက်ပြန်မရုန်းနိုင်အောင် wedge လို့ ခေါ်တဲ့ ချုပ်ခေါင်းလေးတွေတပ်ထားရပါတယ်။ ချုပ်ခေါင်း (wedge) လေးတွေဟာ အခြမ်းလေးနှစ်ခြမ်းကို နှစ်ဖက်ကပ်လိုက်မှ ခေါင်းလေးဖြစ်သွားတဲ့ပုံစံပါ။ ဒါလေးတွေက PT ကြိုးတွေကို Hydraulic Jack နဲ့ ဆွဲဆန့်တဲ့အခါ Jack ဆွဲတဲ့ ဘက်ပဲ ပါလာပြီး ကြိုးကို နောက်ပြန်မရုန်းနိုင်အောင် ဆွဲထားခြင်းမျိုးပါ။
Bonded နည်းမှာတော့ duct လို့ခေါ်တဲ့ သတ္တု ဒါမှမဟုတ် ပလတ်စတစ် ပိုက်တွေထဲကို PT ကြိုး (၂) ချောင်းသို့မဟုတ် (၂) ချောင်းအထက် (design လိုအပ်ချက်အရ) ထည့်ပြီး ကွန်ကရစ်ထဲ မြှုပ်လောင်းလိုက်တဲ့ ပုံစံပါ။ သူ့ကိုလည်း Hydraulic Jack နဲ့ပဲ ဆွဲရတာပါ။ တခါတရံ လိုအပ်ချက်အရ ကြိုးအချောင်းတွေ အများကြီးတပြိုက်နက်တည်း ဆွဲလို့ရတဲ့ Multi-stand Jack တွေနဲ့လည်း ဆွဲပါတယ်။ သူ့မှာလည်း PT ကြိုးတွေရဲ့ထိပ်မှာ anchorage လို့ခေါ်တဲ့ ခေါင်းအိမ်လေးရှိပါတယ်။ ဒီအိမ်လေးမှာတော့ PT ကြိုး နှစ်ချောင်း၊ သုံးချောင်း စသည်ဖြင့် ပေါင်းထည့်ထားပါတယ်။ Unbonded နည်းနဲ့ မတူတာက bonded မှာ ကွန်ကရစ်လောင်းပြီး၊ PT ကြိုးတွေကို ဆွဲဆန့်အပြီးမှာ duct ပိုက်တွေထဲကို grouting ပြန်ထိုးဖို့လိုတာပါပဲ။ Bonded နည်းရဲ့ PT ကြိုးတွေမှာ plastic sheathing မပါတဲ့အတွက် PT ကြိုးတွေကို သံချေးမတက်နိုင်အောင်ရယ် အပြင်က ကွန်ကရစ်နဲ့ bonding ဖြစ်ဖို့ရယ်အတွက် grouting လုပ်ရခြင်းဖြစ်ပါတယ်။ Grouting ကိုတော့ ဘိလပ်မြေနဲ့ admixture ကိုရေနဲ့ရော အရည်ဖျော်ပြီး grouting ထိုးတဲ့ စက်နဲ့ ပိုက်တလျှောက်ထိုးထည့်ခြင်းဖြစ်ပါတယ်။ ဒီ bonded နည်းကိုတော့ တံတားတွေမှာ အသုံးများပါတယ်။ အဆောက်အဦးပိုင်းမှာလည်း သုံးပါတယ်။ အဆောက်အဦးတွေမှာဆိုရင် transfer girder တွေလိုမျိုး heavy load တွေ ထမ်းရတဲ့ beam တွေမှာ သုံးပါတယ်။ ကြမ်းခင်းတွေမှာလည်း ထည့်သုံးပါတယ်။ PT ကြိုးတွေကို အဓိကအားပြုပြီး ထမ်းတော့ rebar ထည့်ရတာ အတော်သက်သာသွားတော့ rebar ဖိုး ကုန်ကျစရိတ် အတော်နည်းသွားပါတယ်။ တဖက်ကတော့ PT ကြိုးဖိုးတွေ၊ တပ်ဆင်ခတွေ တက်လာတာပေါ့။ Overall cost အနေနဲ့ ပြန်တွက်ကြည့်ရင်တော့ သာမန်နဲ့ အရမ်းကြီး ဟာဟမှု မရှိပါဘူး၊ ဒါပေမယ့် ပိုကောင်းသွားပြီး တည်ဆောက်ချိန် ပိုမြန်သွားပါတယ်။
ကျောက်ဆောင်နံရံတွေမှာလည်း ဒီလို bonded နည်းကို အသုံးပြုကြပါတယ်။ ဒါပေမယ့် ဆောက်လုပ်တဲ့ အစီအစဉ်တော့ အဆောက်အဦးတွေနဲ့ အနည်းငယ်ကွာခြားပါတယ်။ ပုံမှန်အားဖြင့် ကျောက်ဆောင်နံရံစွန်းတွေမှာ ဒါမှမဟုတ် ဥမင်လှိုဏ်နံရံတွေမှာ တဖက်ကနေ အပေါက်ဖောက် ပြီးတော့ အပေါက်ထဲကို PT ကြိုးထည့်၊ ထည့်ပြီးရင် grouting အရင်လုပ်လိုက်ပါတယ်။ အဲ့ဒီ grouting မှာ လိုအပ်တဲ့ strength ပမာဏရတဲ့အခါမှာ ကြိုးတွေကို ဆွဲဆန့် လိုက်တာပါ။
Aung Myo Min (YE-MES)
Reference: "What is Post-Tensioning" by POST-TENSIONING INSTITUTE (PTI)
Photo are copied from: www.images.google.com
Photo Credit: Original Uploader