ကျွန်တော်တို့  အင်ဂျင်နီယာတွေ မကြာခဏ အပြောခံနေရတာ ရှိပါတယ်။ သံချောင်းတွေ တအားများတာပဲ၊ မလိုအပ်ပဲ သံချောင်းတွေ ထည့်တယ် တဲ့။ အဲဒါကို ပြောပြချင်လာတယ်။ ၂၀၀၅ လောက်က ...အိမ်ယာစီမံကိန်းတစ်ခု အနားက ဖြတ်သွားဖြတ်လာမှာ ဘာရယ်မဟုတ် လှမ်းလှမ်းကြည့်မိတယ်။ တိုင်တွေနှင့် ထုတ်တွေအားလုံး ကွန်ကရစ်လောင်းဖို့  ဆင်ထားတဲ့ သံချောင်းတွေက ၅မူး ၄လုံးပဲ။ stirrup နှင့် tie ကွင်းတွေက ၉လက်မခြားလောက် ဖြစ်မယ်။ ပြီးသွားတဲ့အခါ တွေ့ တာကတော့ ၂ထပ်လူနေအိမ်တွေ။ ၂ထပ်လူနေအိမ်တွေဆိုလို့  သေးသေးကွေးကွေးလေးတွေ မဟုတ်ဘူး။ ခန့် ခန့် ညားညား ဆိုတဲ့ထဲမှာ ပါတယ်။ အခုထိတော့ ဘာမှဖြစ်တာ မတွေ့ ရသေးဘူး။ အဲဒီလို အိမ်မျိုးတွေကို ကြည့်ပြီး ကျွန်တော်တို့  ထည့်တဲ့သံချောင်းတွေကို များတယ်လို့  ပြောတော့မှာပေါ့။
အဆောက်အအုံတစ်လုံးမှာ gravity load နှင့် lateral load ဆိုတာ ရှိပါတယ်။ gravity load ဆိုတာမှာ dead load နှင့် live load ရှိပါမယ်။ dead load ဆိုတာက အဆောက်အအုံမှာ တစ်ခါထဲ အသေတပ်ဆင် တည်ဆောက်ထားတဲ့ အရာတွေ အားလုံးကို dead load လို့ ခေါ်ပါတယ်။ ဥပမာအားဖြင့် တိုင်၊ ထုတ်၊ ကြမ်းခင်း၊ ကြွေပြား၊ ကျောက်ပြား၊ နံရံ၊ လှေခါး၊ မျက်နှာကျက်၊ ခေါင်မိုး၊ ၀ရန်တာ စသဖြင့်ပေါ့။ live load ဆိုတာက အဆောက်အအုံမှာ နေထိုင်တဲ့ လူတွေ၊ နေရာချထားတဲ့ ပရိဘောဂ၊ လူသုံးကုန်ပစ္စည်းတွေရဲ့  အလေးချိန်တွေ ဖြစ်ပါတယ်။ အသေမဟုတ်ပဲ ရွေ့ ရှားနေလို့  temporary load သို့ မဟုတ် moving load လို့ လဲ ခေါ်တယ်။ ဒေါင်လိုက်ခံစားရလို့  vertical load လို့ လဲ ခေါ်ပါတယ်။ Lateral load ဆိုတာက wind and earthquake လေပြင်းတိုက်တာ ငလျင်လှုပ်ရာမှာ အဆောက်အအုံက ဘေးတိုက်ခံစားရတဲ့ အားတွေပါ။ အဆောက်အအုံတစ်ခုလုံးရဲ့  အလေးချိန်ကို ဘေးတိုက်အရှိန်တစ်ခုနှင့် လှုပ်ခါတဲ့အခါ ခံစားရတဲ့ အားမို့  gravity load တွေထက် များပါတယ်။ ဘေးတိုက်ခံစားရလို့  Lateral load ကို horizontal load လို့ လဲ ခေါ်ပါတယ်။
၅မူး၎လုံးနှင့် ၂ထပ်လူနေအိမ်အဆောက်အအုံဟာ ပုံမှန်အချိန်မှာ ဘာမှ မဖြစ်ပဲ ရပ်တည်နေနိုင်တာ ဆိုတာက gravity load ကို ခံနိုင်ရည် ရှိတယ်ဆိုတဲ့ သဘောပါပဲ။ earthquake ငလျင်လှုပ်တဲ့အချိန်မှာ ခံနိုင်ရည် ရှိမယ် မရှိဘူး ဆိုတာက အဆောက်အအုံဒီဇိုင်းတွက်ချက်ရာမှာ lateral load ကို ထည့်သွင်းတွက်ချက်ထား မထား အပေါ်မှာ မူတည်ပါမယ်။ အထူးသဖြင့် earthquake zone IV ထဲမှာ ကျနေတဲ့ မန္တလေးလိုနေရာမှာ lateral load တွေကို သေသေချာချာ ထည့်သွင်းစဉ်းစား မတွက်ချက်ထားရင် ငလျင်လှုပ်ခဲ့ပါက အတိုင်းအတာ တစ်ခုအထိ ပျက်စီးဆုံးရှုံးမှုတွေနှင့် ကြုံတွေ့ ရမှာ ဖြစ်ပါတယ်။ lateral load ကို ထည့်သွင်းစဉ်းစား တွက်ချက်ထားတယ် ဆိုရာမှာတောင် ရန်ကုန်နှင့် မန္တလေး သံချောင်း အရေအတွက် တူမှာ မဟုတ်ပါ။ Zone IIB မှာ ပါတဲ့ ရန်ကုန်ထက် Zone IV မှာပါတဲ့ မန္တလေးက အဆောက်အအုံတွေက သံချောင်း သိသိသာသာ များပါမယ်။ ကျွန်တော်တို့  ထည့်တဲ့ သံချောင်းတွေက Zone IV earthquake lateral load လာခဲ့သည်ရှိသော် အဆောက်အအုံက ခံနိုင်ရည်ရှိရှိ တောင့်ခံနိုင်မယ့် သံချောင်း အရေအတွက်တွေ ဆိုတာကို ပြောပြတာပါ။
U KYI THAR MYINT
No comments:
Post a Comment