-->
ထိုက်တန်တဲ့ ရင်းနှီးမှုတော့ ရှိရမယ်။ မယုတ်မလွန်တဲ့ ကြိုးစားမှုတော့ စိုက်ရမယ်..... နတ်စီတဲ့ အိပ်မက်လှလှများ လွယ်လွယ်နဲ့မရ ******** "စဉ်းစားပါ - မတွေဝေပါနှင့်။ သွက်လက်ပါ - မပြောပါနဲ့။ ရိုးသားပါ - မအပါနှင့်။ စိုးရိမ်တက်ပါ- မကြောက်ပါနှင့်။ လေးစားပါ - မဖားပါနှင့်။ ရက်စက်သင့်က - ရက်စက်ပါ။ ဘယ်တော့မှ- မယုတ်မာပါနှင့်။"**** ဖိုးလမင်းလည်း သူ့အဆင်းနှင့် အလင်းနှင့်.. မီးတိုင်ငယ်လည်း သူ့အရွယ်နှင့် အစွယ်နှင့်.. စပယ်ဦးလည်း သူ့ဂုဏ်ထူးနှင့် ငုံဖူးနှင့်.. ပိတောက်ဝါလည်း သူ့အခါနှင့် နံ့သာနှင့်.. မြစ်ပြင်နက်လည်း သူ့သိုင်းကွက်နှင့် လှိုင်းယက်နှင့်.. စမ်းချောင်းခွေလည်း သူ့ချောင်းရေနှင့် လောင်းလှေနှင့်.. မည်သည့်အရာ၊ မဆိုသာတည့် သူ့မှာကိုယ့်မှာ၊ အလှသာတည့်.. သဘာဝလျှင် အလှကိုယ်စီ၊ စွမ်းရည်ကိုယ်င လက်ဆောင်ငှ၏.. အလှဝန်တို၊ မငြင်ငြိုနှင့် ၀န်တိုမှုသာ၊ မလှရာတည့်.. သူ့ဂုဏ်သူ့သိန် ၊ သူ့အရှိန်နှင့် အချိန်အခါ၊ နေရာဒေသ ဌာနအလျှောက်၊ အရေးရောက်သည် စွမ်းလောက်နိုင်သူချည်းပါတကား… ********** ပန်းတစ်ဖူးကို၊ ခူး၍ကျေနပ် လောဘသတ်ခိုက် ……… - ရှေ့မှာတပွင့်၊ လွယ်လင့်တကူ ယူ၍ရခိုက်၊ ခူးလိုက်မိပြန် ……………. - ပြန်မှပြန်မှ၊ သတိရနေ ခြေကမလှည့်၊ တည့်တည့်စိုက်စိုက် လိုက်နေမိပြန်၊ ပန်းမှာတစ်ဖူး ခူးပြီးတစ်ရာ၊ အခွင့်သာခိုက် ရရာအားလုံးဆွတ်ချင်သူ…. - လက်ထဲခြင်းထဲ၊ ပြန့်ကျဲပြည့်သိပ် စိတ်မတင်းတိမ်၊ အိမ်မပြန်သေး ခပ်ဝေးဝေးက၊ ဖွေးဖွေးပန်းတွေ မက်မောနေပြန်၊ လှည့်မပြန်မိ…. - ပင်လယ်ရေနောက်၊ မခန်းခြောက်လည်း တစ်ယောက်ထဲသာ သောက်ချင်သည် ……… -

Friday, January 8, 2016

သင်္ခါရအတွေး


သင်္ခါရနယ်မှာ
မြင်သမျှအရာတွေဟာ...
ပြင်နိုင်ပါမှ
တော်ကာကြမယ်
အညာမှာ
နွေအခါဆို
ဖုံးနေတဲ့ သစ်ပင်တွေဟာ
အရွက်တွေ ပြုန်း
သစ်ကတုံးဘ၀ ရောက်ကြတယ်
မော်စကိုမှာ
ဆောင်းအခါဆို
ဖုံးနေတဲ့ သစ်ပင်တွေဟာ
အရွက်တွေ ပြုန်း
သစ်ကတုံးဘ၀ ရောက်ကြပြန်တယ်
အညာနွေက ပူလွန်းတယ်
မော်စကိုဆောင်းက အေးလွန်းတယ်
ပူလွန်းတာပဲဖြစ်ဖြစ်
အေးလွန်းတာပဲဖြစ်ဖြစ်
လွန်ကဲမှုတွေရဲ့ဆုံမှတ်ဟာ
ပျက်စီးခြင်းအရပ်မှာသာရှိပါတယ်
ဒါကြောင့်
အစွန်းရောက်တဲ့ အပြော
အစွန်းရောက်တဲ့ သဘော
အစွန်းရောက်တဲ့ အတွေး
အစွန်းရောက်တဲ့ အရေး
ဒါတွေနဲ့ဝေးမှ
သင်္ခါရနယ်မှာ
ပြင်သမျှအရာတွေဟာ
အစဉ်ထာဝရ တည်တံ့မှာ
၃.၁၂.၂၀၁၅
Acchariya Siba

Posted by at
Labels: ,

No comments:

Post a Comment

Subscribe to: Post Comments (Atom)